Бид иргэд хожсон нийгмийг бүтээх ёстой. Хот төлөвлөлт, барилга байгууламжийн стандарт үргэлж хүний төлөө хийсэн цогц бодлогын биелэл байх учиртай. Хамтын хүчээр хөгжилд тэмүүлэх он жилүүд байх болно.
Нийслэлийн иргэд маань ирээдүйд ямар орчин нөхцөлд амьдрах юм бэ, бид хэрхэн түгжрэлийг шийдэх юм бэ, бид орчны бохирдлыг хэрхэн шийдэх юм бэ? бид юуг санаж зорьж яваа вэ гэдгийг та заавал танилцаарай. Илүү дэлгэрэнгүйг бүрэн эхээр нь доорх линкээр үзээрэй.
"Хотын сэргэлт - 20 минутын хот" төлөвлөлтийн хүрээнд авто замын бүтээн байгуулалтын талаар Нийслэлийн Засаг дарга Х.Нямбаатар "Хот асуулт" сурвалжлагад хариулт өглөө.
Бид 2025 оны 6 сард 1-р түвшний замуудыг ойрын 10 жилд засвар, шинэчлэл хийхгүйгээр бүрэн шинэчилж дуусна.
Дараагийн зорилт нь 2025 оны 2-р улиралд 2-р түвшний буюу хурдны замуудын бүтээн байгуулалтын ажил эхэлнэ.
Бүтээн байгуулалтын ажлын эхнийх нь Туулын хурдны зам буюу Налайхын хурдны замын төгсгөлөөс Дархны хурдны замын төгсгөл хүртэл 33 км, тулгууртай, 6 эгнээ хурдны замын төсөл юм.
